Thursday, April 28, 2011
Eng kawng nge i zawh? Khawnge i thlen tawh?
11:37:00 AM | 
Posted by
^-||RaLtE||-^
Chhiartu duhtak, khi picture khian kan hringnun hman mek ah hian awmzia a nei thui viau awm e! He khawvela kan awm chhung hian nang leh kei hian kan thih hunah kan kalna tur kawng engemaw tak chu kan zawh ngei ang!
A lem a mi ang khian pakhat chuan vanram kawng chu a zawh mek a. Chu vanram kawng zawh tur chuan kailawn pakua kaltlang a ngai a, chungte chu: Hmangaihna, Hlimna, Remna, Dawhtheihna, Ngilneihna, Thatna, Rinawmna, Thuhnuairawlhna leh Insumtheihna te an ni. (Galatia 5:19)
Chu kawng chu zawhin harsa takin, tih hram hramna nen Hlimna leh Remna kawngah chuan a kal mek a, harsatna chi hrang hrang awm thin mahsela intlansiakna tha chu um in a bei hram hram a ni. Hmabak a la ngah tih a in hria a, nun uluk tak leh rinawm takin kros kawng chu a zawh mek zela. Khawvel thil, a chakna chawpa boral mek te chu han thlahlel ve rum rum thin mahsela, a din na, a lungpui nghet Lal Isua ah chuan a awm tlat thin a ni.
Pakhat leh zawk khi chu mi piangthar tawh emaw la piangthar ngai miah lo emaw pawh a ni thei. Khawvel parmawina, chatuan daih lo chu thlahlel in thawveng takin a nun chu a hmang a. Inkhawm, Bible chhiar, Tawngtai, etc. a thlahdah em em a. Ama tawkah "Pa" a inti em em a ni. Chutiang chuan a damlai ni te chuan Krista tan nung lovin chatuan boralna kawng hremhmun chu a pan mek a, a thleng thui tawh viau nghe nghe a ni. Chu boralna kawngah chuan heng te hi a awm a: Inngaihna, Bawlhhlawhna, Hurna, Milem Biakna, Dawithiamna, Huatna, Inhauna, Thikna, Thunurna, Inkhinna, Awmhranna, Itsikna, Zu Ruihna, Zu Hmun Hlimna, Rin Hranna leh thihna te. (Galatia 5:22)
Unau duhtak, hei hi i inzawt ve ang u! Khawi kawng khi nge i zawh mek? Nunna kawng nge Boralna kawng? I ding lamin Nunna kawng i zawh a, i vei lamin boralna kawng i zawh bawk em? karkalak in em ni i kal mek? Kan duhthlanna hi a va han pawimawh teh lul em!
Nunna kawng zawhtute chu mi nihlawh tak an va ni em! Lungngaih, mangan, beidawn, harsatna chi hrang hrang ten tlak buak ve thin mahsela, Lalpaah chuan lawm nun an nei thin a ni. Chumi avang chuan an tan thlemna engang pawh tawk ve thin mahsela, Lalpa hming avangin thlemna te an hneh thin a, an nun in Pathian a chawimawi thin a, Pathian ropuina an puang chhuak thin a ni.
Boralna kawnga kal te erawh an dam lai ngei pawhin hremhmun rapthlak zia leh hlauhawmzia hi kawng chi hrang hrangin an tem fo thin.
Hmanah kha chuan sualah kan lo tluk palh thin pawhin Pathian khawngaihna avangin kir leh na hun tha kan nei thin a, thinlung lungchhia leh inchhirin Pathian hnenah kan tawngtai a, Pathian pawlna leh thlamuanna duhawm tak chu chawpleh chilh in ka dawng thin. Tunah erawh kan Pathian thu in a sawi ang khan "Hun khirh tak" hi a thleng chho mek ta! (II Timothea 3:1)Kan thil sual tih te avangin han inchhir ve thin mah ila, Pathian hi koh eih a har ta riau emaw tih tur khawpin a reh tlat thin!! Nimahsela, kan sualte avanga kan inchhira, sima Pathian hnenah kan kir leh hian kan tawngtaina te emaw hul huk in hre thin mah ila, chu hun chu hun pawimawh lai ber a ni tih hria in beidawng lovin Pathian hnaih telh telh nan i hmang thiam hram hram ang u. Chutilo zawngin Zawlnei Amosa an alo sawi tawh ang khan nakinah chuan chaw tamna nilovin, tui tamna ni hek lovin Pathian thu a tamna zawk hi alo la thleng ngei dawn a ni. (Amosa 8:11) Chutih hunah chuan Pathian thu hre chak leh pathian zawngin kan vir buai anga, engmah a sawt tawh dawn si lo.
Unau, Boralna kawngah khian thui tak lo kal tawh mah la, Lal Isua chuan a la hmangaih reng che tih hria ang che. Pathianin sual ngaihdam duh loh a nei lo. chuvangin boralna kawng chu picture a mi ang khian 15-na thleng lo dai tawh mah la nunna kawngah a la kir leh theih a ni tih hre tlat ang che.
Chu nunna kawnga kal kir leh tur chuan boralna kawnga ilo dai tawh zawng zawng kha i pal tlang leh vek a ngai a ni. Lalpa chakna ringin i paltlang ang, Anin a lo tanpui dawn che a ni.
Tun hi hun lawmawm chu a ni a, tun hi chhandamna ni chu a ni. ~ II Korinth 6:2
Lalpan malsawm che u rawh se. Amen.
Category:
Religion
Subscribe to:
Post Comments (Atom)
Page visited since May 29,2001
Ka tlawh thin te:
-
-
-
Tum Angin Thil A Awmlo!4 years ago
-
-
Chp 905. TWENTY YEARS a blogger!4 days ago
-
To you - my children....11 years ago
-
Phone Hack ang aw....12 years ago
-
Mizo Ten Diar Kan Khim Thin4 years ago
-
-
9 comments:
I like the blog and it is a good post. keep it up. congratulation and bravo...
David, blog i update leh tawh a, ka va lawm em! Your article is very inspiring! Keep on writing such encouraging piece! I'm certain this would definitely be an eye opener to those who have slipped back to their old ways of living! As christians, we need to constantly strengthen our spiritual life and for this, we need reinforcement and support from our Lord which most often is revealed through sharing with our fellow christian friends!
Tlangval ha hriat theih tirh atangin, Mizoram kalo chuang chhuak leh hostel nun, khuahkhirhna hnuai atanga zalenna ka hmuh ka zolo. A hnuailam zawngin ka nunkawng a kal a, ka thihpui lo chauh a ni ber e. Vengchhung mai pawh ni lovin, ka hmelhriat te paw'n min thinhrik titih hman. Tunge ka nih ka inhria, ka nu leh pa, ka pi leh pu te tawngtaina chhangtu chuan ka rilru a hneh aniang chu. Zawi muangin hmalam ka pan leh ta chhek chhek e. Pathian khawngaihna zarah amah nen inhre taka thih ngei ka duh e.
I va han ziak tha kher ve le.. kawng dik lo zawh tawh hnu a let leh chu a har sa dawn hle mai, kan kalsan phal loh leh nuam ti tak a kan zaw thin zawng zawng a let zawng a zawh leh vek tur chuan Thlarau Thianghlim puihna a va han ngai nasa dawn teh reng em.
comment tha tak tak min ziah sak a, ka post min hlut sak thin avangin ka lawm hle mai.
Fuihna thu the tak a nih khi, a lawmawm e, ziak zel rawh.
Van ziak tha ve aw..
I Blog ka tlawh khat ta hle mai.Hei thu tha deuh mai chhiar tur ilo nei leh ta reng mai. He i rawngbawlna hlu tak hi Lalpa'n malsawm zel mawlh rawh se.
Thank you Sena, nangpawh Lalpan taksa rilru leh thlarauvah tichak zel che sela, i rawngbawlna Pathianin malsawm zel che rawh se.
Post a Comment