Wednesday, August 25, 2010
Pa min hmangaihna hi!
1:13:00 PM | 
Posted by
^-||RaLtE||-^
Pathianin nunna min pe a, Amah hriatna kawngah nu leh pa te leh rawngbawltu te hmangin tet te atangin A hnen min hruai a. Naupang te ka la nih lai in piantharna ka lo chang ve tawh a, Kristaah chuan siamthar ka lo ni ve tawh a. Rawngbawlna lampang hrim hrim hi a awmzia pawh kala hrethiam ve lo va, Pathian duhzawng ni a ka hriat ang angin ka nung chho ve bawrh bawrh thin a.
Tichuan, kum a lo ral zela, taksa te pawh a lo thang chho ve zel a. Mi chi hrang hrang te nen kan han inhmelhriat chho va, thian te kan lo ngah chho ve zela. Nu leh pa ten ti lo tura min zirtir thin te tih ruk ka lo ching chho ve tan a. Thuawih lohna leh luhlulna te, run luih na te, rinawm lohna kawng te chu ka dai chho ve tan a. Khua a lo rei zela, ruihtheih thil tih ruk te ka han ching chho ve ta zel a. Tlangval te ka han ni chho ve a, kohhran, KTP leh khawtlangah te mi in fel min ti se tih duh vangin ka han inhmang chho ve a. Nun tak nei si lovin chawhpawlh takin ka nun chu chutiang chuan ka hmang thin a. Hotu/hruaitute duhsakna avangin KTP/khawtlang, etc. velah te nih na neuh neuh te ka han nei chho ve a. Ka chanvo neih reng reng chu tha takin ka tihlawhtling ziah a nimahsela, remchang a awm apiangin sual tih ka hreh chuang lova, sual tih ka thulh chuang hek lo va.
Chutianga nun chawhpawlh taka ka khawsak lai leh boralna kawng ka zawh mek lai chuan Pa hmangaihna aw chuan ka thinlungah thu a rawn sawi ta a. Ka nun dan zawng zawng te chu ka thlir kir a, mi bo – mi khawngaihthlak tak ka nih zia ka hre chhuak ta a!
Chutih lai chuan ka thinlungah hla thu a rawn lang a, chu chuan ka thinlung a hneh em em maia, ka mittui te chu hruk sen loh tur emaw tih hial turin a luang zawih zawih a, ka nun chu nasa takin tih danglamin a lo awm ta a ni.
Chu hla thu chu hei hi a ni…
Vâk bo mai ka lo ni a
Ka Lalpa hmangaihna a ta.
Tunah min zawng hmu leh ta e
A hmangaihna ropui chuan!
Thlamuangin zân mu ka chhing thei ta,
Lungkham reng ka nei tawh lawng.
Min hmangaih zia ka hriat vangin,
Kei pawhin ka hmangaih ve tawh ang a,
A hmangaihna ka chhuang zel tawh ang.
A fa ka nih tawh vangin,
Ka mamawh tinreng min pe ang;
Khawvelin a neih phak loh chu.
A hmangaihna thuk tak chuan,
Min kalsan ngai lovang;
A Hmangaihna chuan min chelh reng ang.
Lei leh van te lo ralin,
Tlangte pawh lo pil mahse,
A danglam ngai lawng ka Lalpa chu-
A hmangaihna a ngai reng fo ang.
Chhiartu duhtak te u, in thiamna, in finna, in hriatna te Lalpan nasa lehzualin tih pun sak che u sela. In natna te tidam sela, A tan nasa lehzuala rawngbawl turin ti chak mawlh che u rawh se.
Lalpa’n ropuina chang rawh se. Amen.
** A hnuaia Divshare Bar-a Play button khu click la, a hla chu i ngaithla thei ang. (Ka computer-ah microphone tereuh te nena ka aw (voice) ka record chawp ve mai mai a ni e. A chhuanawm vak loh!)
Download duh tan
Click to download
Print this post Share
Category:
Subscribe to:
Post Comments (Atom)
Page visited since May 29,2001
Ka tlawh thin te:
-
-
-
Tum Angin Thil A Awmlo!4 years ago
-
-
Chp 905. TWENTY YEARS a blogger!4 days ago
-
To you - my children....11 years ago
-
Phone Hack ang aw....12 years ago
-
Mizo Ten Diar Kan Khim Thin4 years ago
-
-
4 comments:
"A hmangaihna chuan min chelh reng ang" - helai thu hi ka duh lutuk! Lalpa chuan min kalsan ngai reng reng lo! Lalpa chu fakin awm rawh se!
Mahni inhriatna tak tak hi Krista kan hriatin a awm thin, inthlak danglam duhna tak tak hi kristaa kan chian chiah in a awm thin, nun thara nun tak tak hi Kristaa kan nun chauhin a awm thung.
...khrum
"Lei leh van te lo ralin,
Tlangte pawh lo pil mahse,
A danglam ngai lawng ka Lalpa chu-
A hmangaihna a ngai reng fo ang."
A ropui ani. Mihring in hmangaihna hi chuan tawp chin,thlen chin leh phak chin a nei thin.Pathian hmangaihna erawh chuan ramri a kham reng reng silo. Lalpa chu fakin awm rawh se.
I aw a nalh, hla thluk a mawi bawk.
A tha khawp mai.
Post a Comment