Monday, August 02, 2010
A sawm che!
3:48:00 PM | 
Posted by
^-||RaLtE||-^
Kum 2000 khan phai ah lekha zira ka awm laiin nikhat chu ka khua a har em em maia. Ka nun hman dan te thlir kir in ka rilru chu ka kawm melh melh a. Kohhranah rawngbawl thulh chuang si lovin, nun chawhpawlh taka ka khawsak zia te, Pathian ka lo hlat tawh zia te chu ka inhre chhuak ta a. Ka nun a tuihalin a chau em em ani tih ka hria a, Pathian ka au va, ka tawngtai bang lova. Ka suahsualna zawng zawng te avangin ka inchhir em em a, Pathian hnenah ngaihdam dilin ka tawngtai leh thin a.
Thlarau Thianghlim pawl tharna te dil in thupha chawi chung zela ka hun ka hman lai chuan Pathian pawlna duhawm tak mai chu ka thinlungah a lo thleng ta a! Hla thu tha zet mai hi ngaihtuah lawk awm miah lovin ka thinlungah min rawn phuah sak/pe ta a. Pen leh lehkha ka la vat a, engmah rilrua ngaihtuahna seng miah lovin he hla hi vawilehkhatah lawm avanga mittui tla chungin ka ziak chhuak ta a ni.
I nun lo beidawngin chau thin mahse
Kal ngaihna hre lovin bo thin mah la
A sawm reng che asin a aw nem in!
Lungngai-manganga i rum thin lai leh
I rinna chak lova i phatsan lai pawhin
A nghak reng che asin a aw nem chuan!
Lo kir rawh a angchhungah
I mittui te chu a lo hru fai ang
Bo leh tawh lo turin a lo kai ang che
Tunah ngei hian...
A sawm che...
Kir tawh lo tura i tawngtai khan
I hnenah ka awm reng asin
Mittui nen inchhira thupha i chawi lai khan
I hnenah ka awm reng asin
Mahse thlemna tuifawn karah
Min hawikir san leh ta si
Thinlai a na ngei e
Aw, ka fa lokir leh mai rawh
Ka aw nem chuan a sawm che
Bo leh tawh lo turin ka lo kai ang che...
Lo kir rawh ka angchhungah
I mittui te chu ka lo hru fai ang
Bo leh tawh lo turin ka lo kai ang che
Tunah ngei hian...
Ka sawm che...
Tichuan, he hla thu hi ka thianpa Eddie-a (tunah chuan USA lamah nupui te neiin rawngbawlna pawimah tak a thawk mek) chuan a thluk mawi tak mai in min han phuah sak ta a. Music For Christ album-ah zeh tel a lo ni ta nghe nghe a ni.
A hla hi mp3 in download theih turin ka rawn chhawp a. Duh chuan Online pawhin a ngaihthlak theih tho e. A hnuaia link hi lo click zeuh mai rawh le...
Category:
Subscribe to:
Post Comments (Atom)
Page visited since May 29,2001
Ka tlawh thin te:
-
-
-
Tum Angin Thil A Awmlo!4 years ago
-
-
-
To you - my children....11 years ago
-
Phone Hack ang aw....12 years ago
-
Mizo Ten Diar Kan Khim Thin3 years ago
-
-
7 comments:
A va tha em!!! A thu hi keima tan a ni. a thu chhiar ringawt pawn ngaihtuahna a hruai thui thei hle mai. Pu David, tan han la zel teh khai, thangtharte hian hlathar thlarau atanga phuah sak tur kan neih tak mang loh hi maw.
Dr.Ramdinthara te lah mual an liam ta si!! Zaipawl sak tur chite pawh hi avangin hlahlui kan lawr kual ta hlawm a nih hi. Duhsakna ka hlan a che.
Nie, theihtawpin tan ka lo la zel ang. Music ka thiamlo lutuk hi chu pawi ka ti ve thin ngawt mai :(
I testimony a ropui hle mai. Pathian tel lo hi chuan nun hi a khawhar em a ni. I hla chuan rilru a khawih hle mai. Lalpan hla dang pawh pe zel che rawh se.
A roupui ka ti tak zet a ni. nangmah ang hi kan tam khawp ang. Mahse Pathian auh nachang i hria hi a lawmawm hle mai. I hla te pawh hi Pathian pek liau liau che a nih ka ring. A ropui lutuk..I kal zelna turah duhsakna ka hlan a che.
@Elysian
@Keimah
@Anonymous
Ka lawm tak zet zet e. Lalpan malsawm zel che u rawh se.
kei chu ka ngaithla regular khawp mai... ka zai leh raaat2 thin, Pathianin he hla hi mala sawm a, tun aia nasa hian mite tan malsawmna thlen zel se tih hi ka duh thusam a ni e.
@mygurl, ni e, keipawh ka rinphak bak daihin Pathianin he hla hi mal a sawm tih ka han hre chho ve zela, mak ka ti in phu lo ka inti letling zawk mah. Tinungtu thlarau thianghlimin a ti nung hi ka lawm tak zet a ni.
Post a Comment