Sunday, August 08, 2010
Pathian thilsiam setanan hmanrua-a alo hman ve dan
10:55:00 AM | 
Posted by
^-||RaLtE||-^
Sam 24:1 ah – “Leilung leh a chhûnga thil awm zawng zawng hi LALPA ta ani a; Khawvel leh a chhûnga chengte nên hian,” tih kan hmu a. Nimahsela hmelmapa setana hian a ma ta pakhat mah a neih ve loh avang hian Pathian ta leh a thilsiam zawng zawng hi a va han tawmpui nasa tehlul em tih ka ngaihtuah thin! Kan nitin zantin nunah leh hun hman ah te leh kan neih thilah te hian thiam takin alo inrawh ve zel mai alo ni. Pastor emaw, Kohhran upa emaw rawngbawltu emaw tumah hmaih bik maw a nei hauh lo. Setana mizia leh a tactic leh a hamnrua te hi kan hriatchian a tul hle awm e.
A tawmpui dan chi hrang hrang tawi te in han tarlang tai le:
1. Mihringah: Pathianin a duh taka a siam mihringah chuan kan thinlung a rawn tawm a, tichuan chu thinlung atang chuan “ngaihtuahna sualte, tualthahnate, uirenate, inngaihnate, rukruknate, heknate, sawichhiatnate a lo chhuak si thin a;” (Matthaia 15:19). Mi te angin sual langsar tak takte ti ve lo mah ila, bible-in a sawi ang hian thil thalo tak tak te kan ngaihtuah fo thin a, kan sawichhuak fo thin a ni. Ephesi 4:31-ah chuan, “Khakna te, thinurna te, tauhna te, anna te, sawichhiatna te zawng zawng chu bansanin awm rawh se, sualna zawng zawng nen,” a ti a. Chuvangin heng zawng zawng hi kan ching reng anih chuan rinna kawngah leh rawngbawlna kawngah than len a har hle awm e. “Sual ngam chein awm suh la, thatnain sual chu ngam zawk rawh,” ROM 12:21-a a sawi ang hian hetiang anga kan thinlunga thil alo thlen hunah chu sual chu thatnain kan do a, hnehna Pathian hminga kan puan zel a pawimawh hle a ni.
2. Thilsiamah: A chunga kan tarlan tak ang khian leilung leh a chhunga thil awm zawng zawng hi Pathian ta vek, a siam vek a ni tih kan hmu a. Pathianin mihringah finna a dah hmanga thilsiam chhuah zawng zawngte pawh hi Pathian ta vek a ni a, Pathian siam vek a ni tih kan hrechiang theuh awm e. Hmanlai thilte chu lo dahtha rih ila, tunlai khawvel thiamna leh finna hmanga thilsiam chhuah zawng zawngte hi i han thlir ho teh ang…
(a) TV, Mobile, computer, etc. An tangkaina zawn ah chuan thil tangkai tak vek an ni tih kan hre theuh awm e. TV atangin khawvel hmun hrang hranga thil thleng te leh kan la hmuh ngailoh te kan hria in kan hmu thei a, a bengvar thlakin hriatna a ti zau em em a. Nimahsela, hei pawh hi setanan a rawn tawmpui chiah chuan inkhawm thulh phah nan te kan lo hmang ta zela. Khawvel hla maksak tak tak en nan te leh sual zir chhuahna remchang tak tak film en nan te kan lo hmang ta a. Chutiang bawkin Mobile te pawh a lo ni ta zela. Chanchin inhrilh nan leh thil pawimawh tak tak inhrilh nan te leh phone hmanga midang counseling nan te leh tawngtaisak nan te hman theih/thin a nih lain setanan a rawn tawmpui chiah chuan milem bawlhhlawh tak tak en nan te, khawvel hla- thlarau nun chawm lem lo ngaihthlak nan te tin, tunlai lar em em sex video capture nan te hman a lo ni ta zela.. Computer lah chuti bawk… Film bawlhhlawh tak tak te leh hla thalo tak tak ngaihthlak nan mai bakah setatana a inrawlh tawh chuan Internet hmangin thil thalo tak tak tih nan te mi in an lo hmang ta a. Chu mai bakah tunlai phei chuan naupang atanga puitling thlengin an atchilh em em game te hi ang tak takin an lo siam chhuak zela, thisen chhuah bur bur na lampang te, thlahrang lampang te, misual nun lampang game te khelh nuam an lo ti em em ta zel a ni. Hei hian naupang atanga puitling thlengin luhlulna kawngah te, mi kutthlak ve duh mai na thinlung te a siam a, a hlauhawmin a thalo hle a ni. Thil tamtak a awma, kan sawi seng lovang. I chhiar atang ringawt pawh hian thil tamtak sawi tur i hriatbelh teuh ang tih a rinawm a ni.
(b) Fashion-ah: Kan ram pawh fashion-ah kan sang ve ta hle mai. Thil tha tak a nih rual rualin setanan a tawmpui ve zel thin avangin fimkhur erawh a ngai hle thung. Kan incheina thawmhnaw mai bakah thi, bengbeh, ngun, zungbun, kawnghren, etc. te pawh a hmang ve zel ani tih kan hriat a pawimawh awm e.
Tunlaiah tleirawl leh thalai tamtak ten intih pa na emaw tiin T-Shirt tial mak deuh deuh – luruh lem, thuziak rapthlak tak tak te, setana sign te, setana lem ni awm tak te hak an chinga a pawi ka ti thin hle a ni. Tamtak chuan a awmzia em em pawh hre lovin an ha a, a then erawh chu setana hnenah pawh lo inthawi tawh hial te an ni thin. Anton Lavey-a, Setana kohhran hmuchhuaktu khan rock music mai bakah hetiang fashion thleng hian mi tam tak hip khawm nan bul a lo tan daih tawh a. Hetiang sign and symbol te hi thi ah te, bengbeh ah te, zungbunahte, T-Shirt-ah te kawnghren ah te leh tattoo ah te alo thehdarh nasa tawh mai a. Heng an thehdarh ho reng reng hi an commercialized hma in setana hnenah an inthawi a an hlan phawt thin a ni. Chuvangin miin hetiang kan sawi tak ang ho hi a lo neih chuan, rinna lama chaklo tak anih phei chuan setana hnena hlan tawh thil te anih avangin setana anchhia (curse) a awm thin a, natna hmangte leh thildang dang hmangin mi a tibuai thei a, a vanduai zual te phei chu setanan a luhchilh hial thin a ni.
Sawi zel dawn pawh ni ila kan sawi seng dawn chuang lova, chuvangin kan nitin hun hmanah te kan fimkhur a ngai nasa lehzual tawh a. Kan sawi tawh angin setana hian ruihtheih leh hurna piah lamah hian kan thil neih te nen lam hian hmanrua ah a hmang thin a ni tih kan hmelhriat a pawimawh hle a ni. Pathian lak ata min ruk bova, kan nun min tihchhiat veka, min tihhluma hremhmuna min hruai hi a tum ber anih avangin second tin maia kan nun hman hi fimkhur tak leh Pathian tih dek chunga kan awm reng hi a pawimawh em em a ni.
“Chuvangin, nangni pawh inring rengin awm rawh u, in rin loh hunah Mihring Fapa a lo kal dawn si a.” Matthaia 24:49 – a kan hmuh ang hian englai pawhin inring renga kan awm tlat a pawimawh a, thlemna kan tawh hunah pawh tlu mai lovin Pathian hminga hneh zel a pawimawh a, sual lakah kan inthiarfihlim a pawimawh takzet ani.
Print this post
Share
Category:
Religion
Subscribe to:
Post Comments (Atom)
Page visited since May 29,2001
Ka tlawh thin te:
-
-
-
Tum Angin Thil A Awmlo!4 years ago
-
-
-
To you - my children....11 years ago
-
Phone Hack ang aw....12 years ago
-
Mizo Ten Diar Kan Khim Thin3 years ago
-
-
6 comments:
Kan inring reng emaw kan tih lai hian, kan lo inringlo reng thei thin. Pathian chuan engtik lai pawha inring reng a kan awm a duh si a.
Hei inkhawm talo zanin zet chu, ka zin haw ka chau deuh a.
I blog ka lut fuh, ka lawm khawp mai. He thu ka chhiar phei chuan ngaihtuah a ti thui. PYD North East India te hian kumpuan thupuiah thianghlimna tih kan nei a, taksa thianghlim mai ni lovin, kan Cell phone hman leh computer, internet etc kan hman atangtea thianghlim a tul thute inzirtirin seminar te kan nei a, kohhran chanchinbuah te chhuahin theihtawpin beihpui kan thlak laiin i thuziah hi i phal chuan kan Chanchin Bu (Thuhretu; Lunglei District PYD organ) ah chhuah ka duh hle mai. Pathian thilsiamte thianghlim taka kan hman tur a nih lai hian Setana hian hmanruaah a lo hmang ve zel si a, thianghlim zawh a har em a ni.
@Mitipi: Phal teh meuh mai. midante tan pawh malsawmna lo ni meuh rawh se
@Mitipi: in thu lak na source, keima blog erawh min tarlan sak ula tih erawh ka ngen duh che u.
Ka lawm lutuk e. midangte tan poh malsomna a ni ngei ang
Tunah ka chhiar chauh! Setana hi ka haw top!
Post a Comment