Sunday, June 27, 2010
THIN CLIENT SYSTEM
9:17:00 AM | 
Posted by
^-||RaLtE||-^
Tun tum chu Computer khawvel-a Company hrang hrang te leh sawrkar Departmentthenkhat te pawhin an lo hman tawh thin THIN CLIENT chungchang hi tawi te in i han thlir ho teh ang u.
He Thin Client System hi computer tenau ti mai ila a dik mai awm e. Model leh design chi hrang hrang a awm ve a. Chu chu monitor hnungah emaw dawhkan sir ah emaw an dah mai thin a. Khawl tereuh te a ni a. Current heh lo tak, harddisk pawh nei ve lem lo, mahse, USB port te, Parallel Port- te Audio IN/OUT - te nei ve thlap a ni . Kan hriatfiah theih nan heti hian han sawi zau lawk ila:
Server pakhat chak tha ve tawk tak i nei a, chu i server atang chuan computer dang 10 (sawm) vel i thlun zawm duh a. Chu i computer thlunzawm ho ah chuan harddisk leh Operating System awm ve lo se i duh ta a. Tichuan, chu server atang chuan LAN(Local Area Network) switch/router hmangin khawl dang i thlunzawm duh ho zawng chu CAT5 cable-in i thlunzawm ta a. Switch/Router atanga LAN cable chhuak leh chu Thin Client System-ah chuan a in connect ta den den a. Chu Thin Client System hmang ho chuan dawhkan tin ah Monitor leh keyboard leh mouse chiah an nei a, CPU (Central Processing Unit) kan tih mai hi an nei ve lo a ni. CPU atan chuan Server kha an hman tawm mai a ni.
Thin Client chu enge ni?
Thin Client chu Computer chi khat, kawlphetha heh lo tak, Harddisk nei lo ti in a sawi theih awm e. Harddisk a neih loh avang hian Operating System kan tih mai – Windows, Linux, Macintosh, etc. pawh a nei ve lem lo a ni. Server pakhat emaw a aia tam emaw ah a inthlunzam a, chu server-a programs/applications awm ho chu a va tawmpui ta mai a ni. He thin client hian harddisk a neih ve lem loh avangin server-a Operating System leh application software awm ho chu a hman tawm mai thin a ni.
Harddisk leh Operating System a neih loh avangin Main Server-a Operating System awm sa atang chuan a in boot ve mai a. Khawl hmangtu zawng zawng te chuan an khawl theuh ah Login Screen a rawn lang a, Username name leh password hran an nei theuh a, chuta tang chuan an Login mai thin a ni.
User- in data thar a enter emaw, a modify emaw reng reng chu server-ah a in store vek a, user zawng zawngin “My Documents” folder hran an nei theuh ani. Hetih rual hian user pakhatin user dang ho data emaw folder emaw chu Server atanga permission pek anih loh chuan a duh duh in a hawng in a khawih danglam thei lo a. A chhan chu user tin khan Username leh password hran an neih vek avangin midang ID hriat loh chuan File Sharing a tih theih loh a ni.
Thin Client ah hian kan sawi tak ang khan Harddisk leh Operating System nei ve lem lo mahse, nitina kan hman thin software te leh kan duhzawng ang software te chu server-ah kan install phawt chuan a hman vek theih a. Entirnan – MS-Office, Pagemaker, Photoshop, Outlook Express, ERP package, tally, etc. te. Hetih rual hian Thin Client chu Low Power System anih avangin leh Harddisk te, Operating System te a hman ve loh avangin Graphic lian tak tak – games te, animation te erawh a hman hleih theih loh a ni.
A tlangpui thu in Server pakhat atang hian Thin Client System hi 10 (sawm) bawr vel a thlunzawm theih a. Chutiang tur chuan a chhe lo berah Server configuration chu P-IV, 1GB RAM, windows server 2003 hmang a ni tur a ni. Tunlai ah chuan khawl changkang tak tak, chak tak tak te a chhuak tawh a. High-End khawl Server atan kan hman chuan Thin Client System hi 20 atanga 25 bawr vel chu zo takin a thlunzawm theih a ni.
Zawhna lo awm thei ta chu hetianga Server pakhat, khawl 10 (sawm) chuangin an inhmantawm hian khawl a muan phah em tih hi a ni a. Nimahsela, kan sawi tawh ang khan Server atana kan hman khawl kha a chak that phawt chuan engmah buaina awm lovin, muan phah hek lovin a inhman tawm theih a ni.
Thin Client la that leh em em na pakhat chu printer chungchang hi a ni a. Server-ah printer pakhat chauh vuah a, inhman tawm luih luih kher a ngai ve lova. Kha Thin Client System-a Parallel Port atangin emaw USB Port atangin emaw mahni hman tur bik printer chu mahni dawhkanah a thlunzawm theih mai lai hi a ni a. Thin Client Node ah khan printer chu kan vuah anga, Server-ah Local Printer angin kan set anga TCP/IP hmangin kan configure mai dawn a ni. He Thin Client System atang hian, Pendrive, Floppy Disk, Optical Drive, etc. te pawh a thlun zawm vek theih a ni.
He post ka rawn ziak nachhan ber chu kan ramah Department hrang hrang te leh mimal, computer lama eizawnnna siam te hian he Thin Client Technology hi hmang ve ta se, computer engemaw zat chhe fo mai tur te, Harddisk crash te leh a parts neuh neuh thlak sek ngai te hi a ziaawm phah a rinawma. Pawisa sen na tur tam tak awm thin pawh a ziaawm ang a. Tin, Virus, Trojan, Worms, Spyware, Malware, Adware, etc., etc. lakah te kan thil pawimawh ho hi a him phah zawk a rinawm a ni.
Share
Thin Client chu enge ni?
Thin Client chu Computer chi khat, kawlphetha heh lo tak, Harddisk nei lo ti in a sawi theih awm e. Harddisk a neih loh avang hian Operating System kan tih mai – Windows, Linux, Macintosh, etc. pawh a nei ve lem lo a ni. Server pakhat emaw a aia tam emaw ah a inthlunzam a, chu server-a programs/applications awm ho chu a va tawmpui ta mai a ni. He thin client hian harddisk a neih ve lem loh avangin server-a Operating System leh application software awm ho chu a hman tawm mai thin a ni.
Harddisk leh Operating System a neih loh avangin Main Server-a Operating System awm sa atang chuan a in boot ve mai a. Khawl hmangtu zawng zawng te chuan an khawl theuh ah Login Screen a rawn lang a, Username name leh password hran an nei theuh a, chuta tang chuan an Login mai thin a ni.
User- in data thar a enter emaw, a modify emaw reng reng chu server-ah a in store vek a, user zawng zawngin “My Documents” folder hran an nei theuh ani. Hetih rual hian user pakhatin user dang ho data emaw folder emaw chu Server atanga permission pek anih loh chuan a duh duh in a hawng in a khawih danglam thei lo a. A chhan chu user tin khan Username leh password hran an neih vek avangin midang ID hriat loh chuan File Sharing a tih theih loh a ni.
Thin Client ah hian kan sawi tak ang khan Harddisk leh Operating System nei ve lem lo mahse, nitina kan hman thin software te leh kan duhzawng ang software te chu server-ah kan install phawt chuan a hman vek theih a. Entirnan – MS-Office, Pagemaker, Photoshop, Outlook Express, ERP package, tally, etc. te. Hetih rual hian Thin Client chu Low Power System anih avangin leh Harddisk te, Operating System te a hman ve loh avangin Graphic lian tak tak – games te, animation te erawh a hman hleih theih loh a ni.
A tlangpui thu in Server pakhat atang hian Thin Client System hi 10 (sawm) bawr vel a thlunzawm theih a. Chutiang tur chuan a chhe lo berah Server configuration chu P-IV, 1GB RAM, windows server 2003 hmang a ni tur a ni. Tunlai ah chuan khawl changkang tak tak, chak tak tak te a chhuak tawh a. High-End khawl Server atan kan hman chuan Thin Client System hi 20 atanga 25 bawr vel chu zo takin a thlunzawm theih a ni.
Zawhna lo awm thei ta chu hetianga Server pakhat, khawl 10 (sawm) chuangin an inhmantawm hian khawl a muan phah em tih hi a ni a. Nimahsela, kan sawi tawh ang khan Server atana kan hman khawl kha a chak that phawt chuan engmah buaina awm lovin, muan phah hek lovin a inhman tawm theih a ni.
Thin Client la that leh em em na pakhat chu printer chungchang hi a ni a. Server-ah printer pakhat chauh vuah a, inhman tawm luih luih kher a ngai ve lova. Kha Thin Client System-a Parallel Port atangin emaw USB Port atangin emaw mahni hman tur bik printer chu mahni dawhkanah a thlunzawm theih mai lai hi a ni a. Thin Client Node ah khan printer chu kan vuah anga, Server-ah Local Printer angin kan set anga TCP/IP hmangin kan configure mai dawn a ni. He Thin Client System atang hian, Pendrive, Floppy Disk, Optical Drive, etc. te pawh a thlun zawm vek theih a ni.
He post ka rawn ziak nachhan ber chu kan ramah Department hrang hrang te leh mimal, computer lama eizawnnna siam te hian he Thin Client Technology hi hmang ve ta se, computer engemaw zat chhe fo mai tur te, Harddisk crash te leh a parts neuh neuh thlak sek ngai te hi a ziaawm phah a rinawma. Pawisa sen na tur tam tak awm thin pawh a ziaawm ang a. Tin, Virus, Trojan, Worms, Spyware, Malware, Adware, etc., etc. lakah te kan thil pawimawh ho hi a him phah zawk a rinawm a ni.
Chhiarzawm rawh
Category:
Friday, June 18, 2010
Eng ang rawngbawltu nge i nih ve le?
9:16:00 AM |
Posted by
^-||RaLtE||-^
Rawngbawltu inti tam tak te hian rawng kan bawl dan hi kan chhut ngai em? Kristian kan ni a, eng kohhranah pawh awm ila, lo sual ve viau thin pawh ni ila, piangthar tawh kan nih chuan kan suahsualnate avanga inchhira Pathian lam hawi leh hun te a awm thin a. Tin, la piangthar ngai miah lo te pawh, Gospel Camping, etc. ah te kan lut ve a, kan lo pianthar hian Pathian rawng chauh bawl duh na thinlung te kan nei a, hei hi a tha hle a ni.
Tichuan kan tawngtainaahte pawh Lalpa i rawng chauh bawl turin ka rawn inhlan e, i tan chauh ka nung tawh ang, i rawngbawl turin min pui ang che ti ten kan tawngtai fo thin a. Biak inahte inkhawm kan taima chho va, kohhran leh thalai pawl angah te pawh kan han inhmang chho ve tan a. Khua a lo rei zela, hotute duhsakna avangin nihna/chanvo eng engemaw te kan han chelh chho ve a. Rawngbawlna chanvo engemaw kan neih dawn te hian Pathian hnenah kan kawltir thlap a, tichuan a rawng chu bawl ve niin kan in ngai a, kan hlim ve thin viau a ni.
Rawngbawltu, chawhpawlh nun nei, inkhawm active em em, sual tih tur remchang a awm huna ti hreh chuang lo lampang sawi ka tum lem lo va. Ka sawi duh tak zawk erawh chu Pathian rawng kan bawl ve na ah hian Pathian duh dan leh Pathian lawm tlakin rawng kan bawl em? Kan rawngbawlna khan rah chhuak a nei em? tih lai tak hi a ni.
Johana 15:16-ah chuan, "Nangnin min thlang lo, keiman ka thlang zawk che u a, va rah tur leh in rah awm reng turin ka ruat bawk a che u;..." a ti a. He bible chang atang pawha chiang taka kan han hriat theih leh hmuh theih chu Pathianin a rawngbawl turin min thlang a, rawngbawl mai chauh ni lovin kan rawngbawlna khan rah chhuak a nei tur a ni tih leh kan rah chhuah te pawh awm reng turin min duh zia a sawi a ni. Kohhrana thalai pawl zingah te, Kohhran puipa te zingah leh rawngbawlna chi hrang hrang thawktu te zingah pawh hian Pathianin min duh dan ang taka rawngbawl lo hi kan tam in ka ring thin! Bible-ah Rinna chungchang kan hmu nual a, chung te zinga pakhat chu tehkhin nan han hmang ta ila... Rom 10:17-ah chuan, "Rinna chu hriatna avangin a lo awm thin a, tin, hriatna chu Krista thu avangin a lo awm", tih kan hmu a. Tehkhin nan, mipa khat chu a damlova, a lo thi ta a. Tichuan, Krista thu atanga lo chhuak chuan i hriatnaah chu mitthi chu kaitho leh turin chiang takin a rawn hriattir ta che a, chu chu nang chuan RINNA in i pen chhuak a, mitthi chu Pathian hmingin i kaitho ta mai a ni. Hei hi, Rinna Thiltihtheihna ti te pawhin sawi ila a dik thei awm e. Rinna, Krista thu atanga chhuak ni lo se chuan eng ang pawhin mitthi chu kaihthawh tum mah ila a tho dawn lo reng reng tih na a ni a.
Rinnaah chuan hriatna chiang tak, rinhlelhawm miah loh keimahniah a awm thin a, Krista thuchhuak a nih avangin. Chu rinna atang chuan fanghmir pawh nawr hlum mah ila, Pathian hmingin a kaihthawh leh theih a ni (He fanghmir tihhluma kaihthawh leh hi kei pawhin a takin Rinna in ka lo ti ve tawh). Chutiang chuan rinna nung nen, kan rawngbawlnaah hian hmalam pan thin ni ta ila, kan rawngbawlna te hi tun ai hian malsawmin a awm ang tih hi ka ring thin. Kan thlarau nun pawh nasa takin tihchakin a awm ngei ang. Sual tura thlemna pawh kan chungah lo thleng thin mahse, hnehna chu Pathian hmingin awlsam takin kan puang zel thei ngei ang.
Heti hian han ngaihtuah ho leh ta ila... Kan rawngbawl dan hi Pathian tih dek chungin, rinna in kan bawl thin em tih hi? Rawngbawltu tam tak te hi chuan rinna ni lovin mahni thahnemngaihnain rawng kan bawl fo thin. Pathian rawngbawltu, a mi hmantlak ni si lo hi engzat tak awm ang i maw!!! Pathian rawngbawl kan thlang a, A rawng kan bawl dawn anih rau rau chuan A mi hmantlak, a hmanrua te zinga pakhat ni tura tawngtainaah te dil tel a tha khawp ang. Kan thahnemngaihna in rawng kan bawla, kan rilrua tha ni a kan hriat ang zelin rawngbawlnaah hma kan la chho va. Damlo kan a tawngtai sak na neih te, chaw ngheia tawngtai te, tlaivara tawngtai te, thil dang dang pawh a tam ang. Tha ni a kan hriat angin Biak in hlat te kan kawm a, Bible chhiar ngai lo te chhiar turin kan ti , tawngtai ngailo te tawngtai taima turin kan fuih bawka, rilrua harsatna emaw lungngaihna emaw nei te kan kawm a kan fuih bawk a, kawng dik leh thil tha kan kawhhmuh a, theihtawp kan chhuah ve thin. Heng zawng zawng hi ka sawisel lo, thil tha vek a ni. Mahse, rinnaah kan awm a ngai a, thlarauvah kan awm a ngai ani. Chuti ni si lova, kan beih ve chiam chuan thil tha, Pathian duhzawng hlir pawh ti thin mah ila, kan rawngbawlna khan rah chhuak a nei lo fo thin a ni. Sam 127.1 - Lalpan in a sak loh chuan a satute chuan an thawkrim thlawn mai a ni: a tih ang hian, kan thawhrimna, tha ni a kan inngaih na, fing leh hria ni a kan inngaihna, kan thahnemngaihna atang chauhva rawng hi kan bawl anih chuan kan thawkrim thlawn fo thei dawn alo nih chu.
A tawp ber a ka sawi duh chu Pathian rawng hi bawl tak tak tura kan inhlan dawn rau rau anih chuan heti hian inhlan thei ila a tha awm mange aw ka ti thin... "Lalpa, i rawngbawl turin ka rawn inhlan e, i rawngbawltu i mi hmantlak loh nih ka duh lova, i rawngbawltu, i mi hmantlak nih ka duh e. I rawngbawl tur hian ralhmatawngah leh sulsutuah min hmang ang che", tiin.
Share
Rawngbawltu, chawhpawlh nun nei, inkhawm active em em, sual tih tur remchang a awm huna ti hreh chuang lo lampang sawi ka tum lem lo va. Ka sawi duh tak zawk erawh chu Pathian rawng kan bawl ve na ah hian Pathian duh dan leh Pathian lawm tlakin rawng kan bawl em? Kan rawngbawlna khan rah chhuak a nei em? tih lai tak hi a ni.
Johana 15:16-ah chuan, "Nangnin min thlang lo, keiman ka thlang zawk che u a, va rah tur leh in rah awm reng turin ka ruat bawk a che u;..." a ti a. He bible chang atang pawha chiang taka kan han hriat theih leh hmuh theih chu Pathianin a rawngbawl turin min thlang a, rawngbawl mai chauh ni lovin kan rawngbawlna khan rah chhuak a nei tur a ni tih leh kan rah chhuah te pawh awm reng turin min duh zia a sawi a ni. Kohhrana thalai pawl zingah te, Kohhran puipa te zingah leh rawngbawlna chi hrang hrang thawktu te zingah pawh hian Pathianin min duh dan ang taka rawngbawl lo hi kan tam in ka ring thin! Bible-ah Rinna chungchang kan hmu nual a, chung te zinga pakhat chu tehkhin nan han hmang ta ila... Rom 10:17-ah chuan, "Rinna chu hriatna avangin a lo awm thin a, tin, hriatna chu Krista thu avangin a lo awm", tih kan hmu a. Tehkhin nan, mipa khat chu a damlova, a lo thi ta a. Tichuan, Krista thu atanga lo chhuak chuan i hriatnaah chu mitthi chu kaitho leh turin chiang takin a rawn hriattir ta che a, chu chu nang chuan RINNA in i pen chhuak a, mitthi chu Pathian hmingin i kaitho ta mai a ni. Hei hi, Rinna Thiltihtheihna ti te pawhin sawi ila a dik thei awm e. Rinna, Krista thu atanga chhuak ni lo se chuan eng ang pawhin mitthi chu kaihthawh tum mah ila a tho dawn lo reng reng tih na a ni a.
Rinnaah chuan hriatna chiang tak, rinhlelhawm miah loh keimahniah a awm thin a, Krista thuchhuak a nih avangin. Chu rinna atang chuan fanghmir pawh nawr hlum mah ila, Pathian hmingin a kaihthawh leh theih a ni (He fanghmir tihhluma kaihthawh leh hi kei pawhin a takin Rinna in ka lo ti ve tawh). Chutiang chuan rinna nung nen, kan rawngbawlnaah hian hmalam pan thin ni ta ila, kan rawngbawlna te hi tun ai hian malsawmin a awm ang tih hi ka ring thin. Kan thlarau nun pawh nasa takin tihchakin a awm ngei ang. Sual tura thlemna pawh kan chungah lo thleng thin mahse, hnehna chu Pathian hmingin awlsam takin kan puang zel thei ngei ang.
Heti hian han ngaihtuah ho leh ta ila... Kan rawngbawl dan hi Pathian tih dek chungin, rinna in kan bawl thin em tih hi? Rawngbawltu tam tak te hi chuan rinna ni lovin mahni thahnemngaihnain rawng kan bawl fo thin. Pathian rawngbawltu, a mi hmantlak ni si lo hi engzat tak awm ang i maw!!! Pathian rawngbawl kan thlang a, A rawng kan bawl dawn anih rau rau chuan A mi hmantlak, a hmanrua te zinga pakhat ni tura tawngtainaah te dil tel a tha khawp ang. Kan thahnemngaihna in rawng kan bawla, kan rilrua tha ni a kan hriat ang zelin rawngbawlnaah hma kan la chho va. Damlo kan a tawngtai sak na neih te, chaw ngheia tawngtai te, tlaivara tawngtai te, thil dang dang pawh a tam ang. Tha ni a kan hriat angin Biak in hlat te kan kawm a, Bible chhiar ngai lo te chhiar turin kan ti , tawngtai ngailo te tawngtai taima turin kan fuih bawka, rilrua harsatna emaw lungngaihna emaw nei te kan kawm a kan fuih bawk a, kawng dik leh thil tha kan kawhhmuh a, theihtawp kan chhuah ve thin. Heng zawng zawng hi ka sawisel lo, thil tha vek a ni. Mahse, rinnaah kan awm a ngai a, thlarauvah kan awm a ngai ani. Chuti ni si lova, kan beih ve chiam chuan thil tha, Pathian duhzawng hlir pawh ti thin mah ila, kan rawngbawlna khan rah chhuak a nei lo fo thin a ni. Sam 127.1 - Lalpan in a sak loh chuan a satute chuan an thawkrim thlawn mai a ni: a tih ang hian, kan thawhrimna, tha ni a kan inngaih na, fing leh hria ni a kan inngaihna, kan thahnemngaihna atang chauhva rawng hi kan bawl anih chuan kan thawkrim thlawn fo thei dawn alo nih chu.
A tawp ber a ka sawi duh chu Pathian rawng hi bawl tak tak tura kan inhlan dawn rau rau anih chuan heti hian inhlan thei ila a tha awm mange aw ka ti thin... "Lalpa, i rawngbawl turin ka rawn inhlan e, i rawngbawltu i mi hmantlak loh nih ka duh lova, i rawngbawltu, i mi hmantlak nih ka duh e. I rawngbawl tur hian ralhmatawngah leh sulsutuah min hmang ang che", tiin.
Chhiarzawm rawh
Sunday, June 06, 2010
DAMDAWI TEL LOVA THISEN SANG VEN DAN
9:15:00 AM |
Posted by
^-||RaLtE||-^
BP sang nei tamtak kan awm tih a rinawm a. Lu te a lo na a, luhai muai muai nen, mit men nuam lo nen…chutianga kan awm lai chuan BP kan han check a, a chung lam (systolic) 140 emaw a aia sang emaw leh a hnuai lam (diastolic) 90 emaw a aia sang emaw alo nih chuan rilru a nuam zan lo thina, damdawi han ei mai te pawh rilruah a lang rum rum thin. BP dawmdawi vawikhat ei tawh chuan damchhunga ei a ngai tawh te an lo ti thin bawk nen, han ei mai hreh deuh si, ei loh chuan awm nuam thei chuang silovin kan buai fo thin ani. Hetiang anga BP sang buaipui fo thin kan nih chuan kan nunphung (lifestyle) thlak a pawimawh khawp mai. Kan nunphung kan thlak danglam hian nasa takin BP sang lakah te leh natna chi hrang hrang lakah min veng him thei a ni. Chu nunphung (lifestyle) thlak dan kawng hrang hrang chu hei hi a ni:
1. RIHNA (WEIGHT) TIH HNIAM: Kan lo thau lutuk emaw kan taksa alo rih lutuk hian blood pressure pawh hi alo nasa zual thin a. 4kgs-5kgs lek pawha kan weight kan tih hniam theih chuan BP pawh engemaw chen chu a tla hniam (normal) thei a ni. BP sang damdawi ei mek tan pawh weight tih hniam hian nasa takin BP normal leh na turah kawngro a su a ni.
Mithiamte chuan kan dul/kawng (waist) len zawng hi a chin tawk tur hetiang hian an bithliah a, hetiang hi kan pelh chuan BP sang awm theih na chance a sang a ni an ti:-
i) Mipa chu an kawng (waist) hi 40 inches aiin a liuan lo tur a ni.
ii) Hmeichhia pawh an kawng (waist) 35 inches aiin a lian lo tur a ni.
iii) Asian mipa te hi an kawng 36 inches aiin a lian lo tur a ni.
iv) Asian hmeichhiate pawh an kawng 32 inches aiin a lian lo tur a ni.
2. TAKSA SAWIZAWI: Kar khat ah ni nga chhung emaw tal minute 30 atanga minute 60 taksa sawizawi hi a tha hle. Hei hian 4-9 millimetres lai in kan BP sang thin chu a ti hniam thei a ni. Nitin exercise I la thei lo anih chuan ni khat a i exercise lak hun chhung kha pawh sei mai tur a ni. Taksa sawizawi hi a pawimawh rual rualin, eng anga nasa leh hahthlak in nge i tih ang tih erawh chu i daktawr i rawn hmasak phawt a tha ang.
3. EI LEH IN FIMKHUR RAWH: Grains te, thei te, thlai hring te leh thau/mawm tlem chi lampang ei hnem a tha hle. Hei hian I BP chu 14 mmHg thlengin a ti hniam thei a ni. Hetiang anga ei leh in fimkhur leh uluk hi DASH (Dietary Approaches To Stop Hypertension) diet tiin a hming an vuah nghe nghe a ni. Potassium tam na thlai leh thei ei uar pawh hi a tha hle a ni.
Potassium tam nate chu:
Bananas, Oranges, Apricots, Avocado, Strawberries, Potatoes, Tomatoes, Cucumber, Cabbage, Cauliflower, Chard, Bell pepper, Eggplant, Squash, Crimini mushrooms, Brussels sprouts, Turmeric, Parsley, Spinach, Broccoli, Tuna, Halibut te an ni.
4. SODIUM TAM NA CHI RENG RENG EI TLEM RAWH: Chi ei tlem hi BP sang tur venna tha tak a ni a. Thil I ei leh in reng rengin chi tlemna lampang hlir ei in in thin ang che. Chaw ei apianga chi liah tel ziah te pawh hi mizote hian kan chin gem em a, hei hi thil tul lo, bad manners a ni tih te pawh hi hria ila a tha awm e. Chi kan ei tlem hian kan BP hi 2-8 mmHg in a tla hniam thei a ni. Mihringin kan taksaah ni khat a sodium kan mamawh zat hi 1500-2400mg a ni a nimahsela BP sang nei I nih chuan 1500mg ai a tlem ei tum ang che.
5. ZU (ALCOHOL) IN THIN I NIH CHUAN IN TLEM/SIM RAWH: Zu hi mihring taksaah hian thatna leh that lohna tamtak a nei a. Tlem te, ni khat a no khat lek emaw in thin tan chuan 2-4 mmHg vel in BP a ti hniam thei a ni. Ni khat a no thum emaw a aia tam emaw in thin tan chuan BP a ti sang zawk thei a, BP sang damdawi ei ho tan phei chuan damdawi kha hna a thawh tir theih loh phah bawk a ni.
6. VAIHLO – ZUK LEH HMUAM TI SUH: Zuk leh hmuam kan tih hian vaihlo a tel nicotine hian 10mmHg lai in kan BP a ti sang thei a. Meizial bung zuk te leh mei zu mi bula awm te pawh hian BP a ti sang thei a ni.
7. CAFFEINE TEL NA LAM CHI IN TLEM RAWH: Caffeine tel na lam chi reng reng (thingpui, coffee, etc) in tam hian BP a ti sang ve thei ni in mithiamte chuan an ngai a, hemi chungchangah erawh hi chuan inhnialna pawh a awm fo mai. Caffeine I ngeih leh ngeih loh I hriat duh chuan I in hnu darker chanve velah I BP check la, alo sang anih chuan I ngeih lo tih na a ni mai. Chutianga I ngeih lo anih chuan in tlem/in loh mai a tha ang.
8. STRESS TIH TLEM: Stress (mizo tawngin ka dah thiam chiah lo) leh anxiety neih nasat hian BP hi a ti sang ve fo mai. Chuvangin, stress leh anxiety neih tir tu che kha I hneh (fight) a ngai a. Deep breathing exercise te, massage te pawh hian stress chu a ti ziaawm thei a ni.
9. MAHNI IN EMAW BP CHECK THIAM TE EMAW IN CHECK TIR FO A THA: Mahni a BP check dan thiam leh BP check na khawl mahni in a kawl ve mai te pawh a tha khawp mai. BP sang ve zeuh zeuh thin I nih phei chuan regular taka BP check fo a tha. A lo sang zing ve deuh anih chuan Doctor rawn vat a tha ang.
Share
Mithiamte chuan kan dul/kawng (waist) len zawng hi a chin tawk tur hetiang hian an bithliah a, hetiang hi kan pelh chuan BP sang awm theih na chance a sang a ni an ti:-
i) Mipa chu an kawng (waist) hi 40 inches aiin a liuan lo tur a ni.
ii) Hmeichhia pawh an kawng (waist) 35 inches aiin a lian lo tur a ni.
iii) Asian mipa te hi an kawng 36 inches aiin a lian lo tur a ni.
iv) Asian hmeichhiate pawh an kawng 32 inches aiin a lian lo tur a ni.
2. TAKSA SAWIZAWI: Kar khat ah ni nga chhung emaw tal minute 30 atanga minute 60 taksa sawizawi hi a tha hle. Hei hian 4-9 millimetres lai in kan BP sang thin chu a ti hniam thei a ni. Nitin exercise I la thei lo anih chuan ni khat a i exercise lak hun chhung kha pawh sei mai tur a ni. Taksa sawizawi hi a pawimawh rual rualin, eng anga nasa leh hahthlak in nge i tih ang tih erawh chu i daktawr i rawn hmasak phawt a tha ang.
3. EI LEH IN FIMKHUR RAWH: Grains te, thei te, thlai hring te leh thau/mawm tlem chi lampang ei hnem a tha hle. Hei hian I BP chu 14 mmHg thlengin a ti hniam thei a ni. Hetiang anga ei leh in fimkhur leh uluk hi DASH (Dietary Approaches To Stop Hypertension) diet tiin a hming an vuah nghe nghe a ni. Potassium tam na thlai leh thei ei uar pawh hi a tha hle a ni.
Potassium tam nate chu:
Bananas, Oranges, Apricots, Avocado, Strawberries, Potatoes, Tomatoes, Cucumber, Cabbage, Cauliflower, Chard, Bell pepper, Eggplant, Squash, Crimini mushrooms, Brussels sprouts, Turmeric, Parsley, Spinach, Broccoli, Tuna, Halibut te an ni.
4. SODIUM TAM NA CHI RENG RENG EI TLEM RAWH: Chi ei tlem hi BP sang tur venna tha tak a ni a. Thil I ei leh in reng rengin chi tlemna lampang hlir ei in in thin ang che. Chaw ei apianga chi liah tel ziah te pawh hi mizote hian kan chin gem em a, hei hi thil tul lo, bad manners a ni tih te pawh hi hria ila a tha awm e. Chi kan ei tlem hian kan BP hi 2-8 mmHg in a tla hniam thei a ni. Mihringin kan taksaah ni khat a sodium kan mamawh zat hi 1500-2400mg a ni a nimahsela BP sang nei I nih chuan 1500mg ai a tlem ei tum ang che.
5. ZU (ALCOHOL) IN THIN I NIH CHUAN IN TLEM/SIM RAWH: Zu hi mihring taksaah hian thatna leh that lohna tamtak a nei a. Tlem te, ni khat a no khat lek emaw in thin tan chuan 2-4 mmHg vel in BP a ti hniam thei a ni. Ni khat a no thum emaw a aia tam emaw in thin tan chuan BP a ti sang zawk thei a, BP sang damdawi ei ho tan phei chuan damdawi kha hna a thawh tir theih loh phah bawk a ni.
6. VAIHLO – ZUK LEH HMUAM TI SUH: Zuk leh hmuam kan tih hian vaihlo a tel nicotine hian 10mmHg lai in kan BP a ti sang thei a. Meizial bung zuk te leh mei zu mi bula awm te pawh hian BP a ti sang thei a ni.
7. CAFFEINE TEL NA LAM CHI IN TLEM RAWH: Caffeine tel na lam chi reng reng (thingpui, coffee, etc) in tam hian BP a ti sang ve thei ni in mithiamte chuan an ngai a, hemi chungchangah erawh hi chuan inhnialna pawh a awm fo mai. Caffeine I ngeih leh ngeih loh I hriat duh chuan I in hnu darker chanve velah I BP check la, alo sang anih chuan I ngeih lo tih na a ni mai. Chutianga I ngeih lo anih chuan in tlem/in loh mai a tha ang.
8. STRESS TIH TLEM: Stress (mizo tawngin ka dah thiam chiah lo) leh anxiety neih nasat hian BP hi a ti sang ve fo mai. Chuvangin, stress leh anxiety neih tir tu che kha I hneh (fight) a ngai a. Deep breathing exercise te, massage te pawh hian stress chu a ti ziaawm thei a ni.
9. MAHNI IN EMAW BP CHECK THIAM TE EMAW IN CHECK TIR FO A THA: Mahni a BP check dan thiam leh BP check na khawl mahni in a kawl ve mai te pawh a tha khawp mai. BP sang ve zeuh zeuh thin I nih phei chuan regular taka BP check fo a tha. A lo sang zing ve deuh anih chuan Doctor rawn vat a tha ang.
Chhiarzawm rawh
Subscribe to:
Posts (Atom)
Page visited since May 29,2001
Ka tlawh thin te:
-
-
-
Tum Angin Thil A Awmlo!4 years ago
-
-
-
To you - my children....11 years ago
-
Phone Hack ang aw....12 years ago
-
Mizo Ten Diar Kan Khim Thin3 years ago
-
-
