Sunday, May 30, 2010

postheadericon HRISELNA VAWN THAT NAN AIENG EI RAWH


- Dr. Vanlalhuma Royte, DMRD

Dam chhung rei lo te a hrisel lo taka nun ai chuan, hrisel taka hman a thlanawm zawk.
America ramah ringawt khuan vawi 688 chuang an mi thiam (Scientist) ten an lo zir tawh a, kum eng emaw lek kal ta chhung ringawt khan a chungchang hi ziakin lehkhaah vawi 400 chuang a chanchin tha hi an lo chhuah tawh a ni.

A thatna chhan ber chu amaha hlo awm ‘Curcumin’ hi a ni. A phut a ni emaw, tel a kan a ni emaw, a tui sawr a ni emaw, he a thatna ber hlo ‘curcumin’ hi a chhe chuang lo a ni. 

I. CURCUMIN HIAN THIL THA LO KAN TAKSAA AWM THEI TE A VENG A, CHUNGTE CHU:
1. Ruhseh – ruh chuktuah vung (arthritis)

2. Thisena thau chhia (VLDL & LDL) sang lutuk tur a dang.

3. Hmeichhiaah hnute leh tuibawm (ovaries) cancer a veng.

4. Ril cancer, chuap cancer, tai cancer a ven theihna chhan chu ‘Free Radical’ a then fai vang a ni (free radical chu oxygen atanga insiam chhuak, kan timur (cell) tichhe thei a ni, hemi avang hian cancer a lo awm thei).

5. Ril vung natna (Inflamatory bowel disease).

6. Kan taksa atanga bawlhhlawh insiam chhuak nasa tak leh kan ril atanga hlo thalo (toxin) kan lakluh hi thinah hian an lut a, thin hian a lo thlifim thin a, he hna a thawhnaah hian thin hi a hliam ve fo thin. Kan damdawi ei atang tein leh natna hrik vang te pawhin hemi tlen fai hna hi aieng hian a thawk tha hle a chuvangin, thin natna nei Hepatitis/thinro, etc. tih angreng te hian han ei se a duhawm hle mai.

7. Thisen hnang lutuk emaw thisen khal hun lova khal, pem awm si lova thisen zam chhungah chutianga buaina a lo awmin. Mi thau lutuk te hi an ni duh chawk, mei zu miah hian an tam ber; chuvangin, lung thisenzam a inhnawh pin avangin zai te an ni chawk thin (BYPASS SURGERY tih thu hi kan hre nual tawh awm e); chu bakah Stroke (thluaka thisenzam chat emaw hnawh ping), Deep vein ‘Throm Basis’ (ke thisenzam inhnawh ping) – hemi avang hian ke te a tawihin pan dam thei lote a lo awm thei; chu bakah, thisen khal thenkhat hi chuapah te a lut chho va, chuap thisenzam a hnawh thei (Pulmonary Embolism). Aieng hian thisen hnang lutuk tur leh khal lutuk tur hi a veng a ni.

8. Kawpuar atan a tha – natna hrik gas (vawih) siam chhuaktu an tam lutuk hian kua a puar thin, chungho chu han ti rem deuh ilangin vawih a tlem phah viau mai.

9. Pumpui chak lo tan (pai tawih lama harsatna neite) pai tawihna hnang pumpuiah hian a siam chhuak a, mit (bile) a rawn sawr chhuak a ni ber e, hriak pai tawih hlei thei lo tan te a tha a nih chu. Thil mawm ei avanga kawthalo ziah atan te pawh a hman tangkai theih viau.

10. Natna hrik a that thei (volatile oil an tih mai amahah hian hriak pawimawh tak natna hrik thahna hlo a awm vang a ni).

11. BP sang a veng – a chhan chu kan sawi tawh angin, thisen khal/hnang lutuk tur te a veng a, thisenzam timur (cell) fip lutuk tur te a veng (free radical vang hian thisenzam hi a fip tulh tulh thei a ni).

12. Tar at a veng (Alzheimers disease) he natna hi vai ho zingah khuan a tlem em em mai a, a chhan an hmuh chhuah tak chu aieng an ei nasat em vang a ni. He natna lo awm chhan chu thluakah ‘beta amyloid’ (hei hi taksa atanga insiamchhuak hnang chikhat) tawm khawm vang a ni.

13. Nachhawknain pumpui a hliam/tihpilh theihna tur a veng. Chuvangin damdawi ei nasate tana ei ngei ngei chi a ni.

14. Taksa vung a tireh thei, hliamna te (inter leukin1, vung siamna atan pawimawh em em kan taksaa rawn insiam chhuak thin chu a tlen fai vang a ni).

15. Kal vung (nepphritis) natna atan pawh eng emaw chen thatna a nei, a chungah kan tarlan ang khian.

16. Rulhut thenkhat te pawh a tihlum thei.

17. Psoriasis vun natna chi khat atan pawh hman a ni (he natnaah hian vun a phuhlip hrup a, han ziat deuh ila, a hnuaiah hian vun hi pan te in a pilh ser ser thin, kan tisa timur laimu (DNA) khawlohna avanga awm a ni deuh ber).

18. Chauhna benvawn nei tan pawh a tha, ka chau riau mai han ti deuh reng te tan pawh hian ei sela a duhawm hle.

19. Prostate cancer pawh hi thui tak a veng thei nia hriat a ni (Prostate hi mipa chi a chhuah ruala hnang siamtu pawimawh tak, zun leh chi chhuahna kawng hawnga khar pingtu a ni; phing leh serh inkara awm a ni a, upat hnuah a vung duh chawk).

20. Zun thlum avanga mitdel tur a veng (zun thlum natna avang hian mit chhungah thisenzam a thang duh hle a, thisen zam zam lohna turah a zamtir thei a, mit chhung lam a tichhiain mit a tidel thei a ni).

21. Kawthalo/ek phuanah, natna hrik a thah mai bakah, kan taksa atanga tui kan chan hnem lutuk tur a veng.

22. Taksa pem/hliam a lo awmin thisenzam a tithang chak a, hliam a tidam thuai thuai thei.

23. Irhfiak atan a tha hle.

II. ENGTIA EI TUR NGE NI TA ANG LE?

Kan ramah aieng kan ngah tho va (pawlh dal loh) chuvangin, nitin zailep hnih chaw ei lain emaw chaw ei khamah emaw ei/dawlh thei ilang chuan a tha ang. Tui ti lo an awm nuk avang hian zailep han dawlh mai hi a remchang hle mai.
America ah chuan a tui sawr a nih chuan 5ml nitin vawi thum in tur tiin an sawi a, hei pawh hi a tha, vawi thum a harsat chuan chaw eikham apianga vawikhat a tawk viau.
A phut pawh lo ni ta se tui no khatah fiante khat nitin chaw eikhamah in a tha (ser tui nen a tih chi viau). Kawthalovah hi chuan a tam lam fian 3-4 vel in tur.
Naupang kawthalovah chuan an in ve theih nan chini han thlum ilangin chi sawh khat (kut zungpui leh kut zung chala hmer khat chu) han telh bawk ilangin a tha hle mai, company siam damdawi hman vak aiin. Nikhatah hian 8 grams thleng a ei theih.
Share
Chhiarzawm rawh
Saturday, May 29, 2010

postheadericon TAWNGTAINA


Tawngtaina awmzia chu, “Pathian nena inbiak”, tiin a sawifiah theih awm e. Lawmna kan chunga a lo thlenin kan tawngtai a, manganna leh harsatna kan tawhin kan tawngtai bawk thin. Tin, mamawh kan neih in kan tawngtai bawk thin awm e. Amaherawhchu, kan tawngtai tam dan ngaihtuah erawh chuan a chhânna kan hmu tlem hle lawi si a, chhut tur tamtak a awm a ni.

Tawngtaina avanga Pathian tanpuina hi a dawngtu nunah chuan a hlu em em a. Chuvangin Sam 116:1,2 ah chuan, “Lalpa chu ka hmangaih a ni, ka aw leh khawngaih ka dilnate chu a ngaihthlak avangin. Ka lama a beng a rawn dawh avangin ka damchhung zawngin amah chu ka ko vang”, a ti hial a ni. 

TAWNGTAI CHHÂN A NIH LOH THEIH NA TE:

1. Thinlunga sualna ngaihsak: Sam 66:18-ah, “Ka thinlunga sualna ka ngaihsak chuan Lalpan mi ngaithla lovang”, a ti a. ‘Sualna ngaihsak’ tih awmzia chu zawlnei Isaian, “He mi te hian mi rawn hnaih a, an ka leh hmuiin mi chawimawi thin tak a, nimahsela an thinlung chu ka hlatah an sawn a…” (Isaia 29:13) a tih ang te leh, “Lalpa, an mangan lain an zawng ruai thin chia, I hremna chu an chunga a tlak lain an tawngtai mawlh mawlh a” (Isaia 26:16) a tih ang te an ni a. Mahni mamawh hun chauha Amah hria a, hun danga hre leh si lo tu te nun hi a ni.

2. Dil dikloh vang: Jakoba 4:3
ah chuan, “in dil a, in dil dik loh avangin in hmu lo, in nawmsak nan hman in tum si a”, a ti a. Kan hmuh lohna chhan chu kan nawmsak nan hman kan tumna vang a ni. Mi thenkhat chuan malsawmna kan dilin, Pathian ropuina lam tur aiin kan nawmsak beiseina vangin kan dil a. Mirethei pawhin nawmsak duhna avangte leh mihausate pawhin nawmsak belhchhah nan te kan dil thin a ni. Hrehawmna leh manganna laka chhanchhuah dilna pawh ama tana nun let ve na aiin kan tisa duhzawng tih theih nan te a ni fo a. Rawngbawltute pawhin Pathian ropuina aia ama ropuina tur rilru pu chunga a tawngtai chuan chhânna a thleng lo thin. Chuvangin, engpawh A duhzawng anga kan dil chuan anin min ngaihthlak sak thin (I Johana 5:14). Kan dila kha kan mamawh tak a ni em, Ama ropuina tur a ni em tih ngaihtuah hmasak a pawimawh hle awm e.

TAWNGTAINA HLAWHTLIN DAN:

1. Piangtharlo tawngtaina:
Mi tamtak piangtharlo pawhin Pathian hnena an tawngtai thin thu leh Pathianin a chhân thin thu an sawi fo thin. Engvanginnge Pathianin an tawngtaina a chhan thin? Sam 34:18-ah chuan, “Lalpa chuan thinlunga lungchhiate chu a hnaih thin a, Rilrua inchhir apiangte chu a chhandam thin”, a ti a. An sualna avanga inchhirte tawngtaina chuan Pathian beng a thleng lo thei lova; chhiahkhawntute leh Pharisai tawngtaina ah pawh khan a lang thei a ni (Luka 18:13). Chuvangin misual tawngtainaah chuan rilrua inchhir ngawih ngawih, Pathian thua khur thin nun avangin Lalpan an lam a en thin vang a ni (Isaia 66:26). Piantirh ata mitdel pawh khan, “Pathianin misual thu a ngaithla thin lo tih kan hria; nimahsela mi tupawhin Pathian a ngaihsak a, a duhzawng a tih chuan Pathianin a ni chu a ngaithla thin” (Johana 9:31), a ti a. Pathian duhzawng leh ngaihsakna nun, piangtharlo te nuna lo lang tur chu ‘thinlung lungchhia leh inchhir ngawih ngawih’ hi a ni (Sam 52:176).

2. Amah (Lal Isua) a awm reng: Johana 15:7
ah chuan, “Nangni keimaha in awm renga, ka thu nangmahnia a awm reng bawk chuan in duh apiang dil rawh u, in tan tih in a awm zel ang" tiin min hrilh a. ‘Amaha awm leh a thu keimahnia awmna’ atangin tawngtai a hlawhtling thin. Amaha awm nun chu ‘Pathian duhzawng anga nun, thiltih’ tiin a fun kim awm e. Bible-ah hian Lal Isuaa awmte tawngtaina in thil a tihtheihzia kan hmu thin a. Eliza tawngtaina avangin kum 3 leh thla 6 ruah a sur lova, a tawngtai leh a, vanin ruah a sur tir leh a (Jakoba 5:17-18). Abrahaman Sodom khaw tan a dilna chuan Pathian a au ei hial a ni (Genesis 18:26-33). Chuvangin, Amah tihtute leh amaha awmte hnenah in rawn tawngtai anga, ka ngaithla ang che u (Jeremia 29:12) tiin min thlamuan thin. Amaha awmlo atanga tawngtai thin dinhmun nen chuan a inthlau hle mai. Amah tihtute hnenah chuan, “mi au la ka chhang ang che, thil ropui leh inthup I hriat ngai loh chu ka entir ang che” (Jeremia 33:3) a ti nghe nghe a, a ropui hle a ni.

3. Dil ngun (Chain of Prayer):
Kan tawngtai hian Pathian hian a châng chuan min chhâng mai lo thin a, kan beidawng a, kan theihnghilh fo thin. Lal Isuan tawngtai chungchâng a zirtir a (Luka 11:5-8), hei hian kan thil dilte bawhzui a tulzia min zirtir awm e. Pathian nghaktute reng reng an mualpho ngai lova, “Ani, nangmah nghaktu reng reng chu tumah mualphovin an awm lovang” (Sam 25:3). "I thilsiam zawng zawng mitte chuan an nghak thin che a ni; Nangin a hun takah an chaw i pe thin" (Sam 145:15). Chuvangin a hun takah Pathianin min chhang thin a, tawngtai chhunzawm a tul fo thin a ni. Jabeza pawhin, “Aw, mal min sawm ngei la… (I Chronicles 4:10) tiin ngenngawl takin Pathian a auva, Pathianin a chhâng a ni.

Ngaihtuah zawm atan:-


1. Kan tawngtai hian mahni inenfiah hmasak kher a tul kan ti em?
2. Kan tawngtai hi Pathianin a hriat vek kan ring em?
3. Tawngtai hian ring taka au vak vak nge, zawitea tawngtai tha zawka kan hriat?
4. Dil ngut ngut hi a sawt in kan ring em?
Share
Chhiarzawm rawh
Friday, May 28, 2010

postheadericon Computer Virus ka kai ve a!


Thiamna sang chho zel leh khawvel changkang chho zelah zofate pawhin Computer chu kan lo hmelhriat ve ta viau mai. Tunah phei chuan in tinah kan nei ta fur emaw tih mai tur a ni ta!

Thenkhatin eizawn nan te kan hmanga, hnathawh nan te kan hmanga, thenkhatin games khelh nan te, music ngaihthlak nan te, movies en nan te, Internet browse nan te leh kan duhzawng download nan te kan lo hmang ta thliah thliah hlawm mai…Thian tha te hnen atang te, Office atang te leh hmun dang dang atangin kan duhzawng te kan copy chhawnga, kan khawlah te kan han thun ve a, Antivirus/Internet Security, etc. neih that loh phei chuan Virus, Trojan, Worms, Spyware, Malware, Adware, etc. te kan khawlah alo kai phah a, kan buai thin hle anih kha. Chutianga kan khawl a lo buai chuan tih that leh tumin kawng hrang hrang kan dap a, kan rilru nasa takin kan senga, sum leh pai thlengin kan seng phah thin a. Kan vanneih hlauh phei chuan kan thil pawimawh leh ui em em te kan recover leh thei hram thin. Vanduai erawh chuan chuti hlauh...!!

Keipawh Computer hi mi te angin thiam tak nilo mah ila eizawn nan taka ka hman ber alo ni ta! Zing thawh hlim atanga, zan mut dawn thleng hian computer hmaah kumtluan deuhthaw in ka thu chu a ni ta ber e! Hetianga Physical Fitness lampang ngaihtuah lek lova computer hmaa ka thut thinna chuan khua reiah ka taksaah insawiselna neuh neuh a lo siam tan ta a. Mit (Eye) na te, mit thip te, mittui tla vak vak te, lu na, luhai, ban (hands) na te, kawng na te, nghawng na, etc. te kalo nei ta nual maia…

Doctor te rawn kualin ka in entir ve zak zak thina. ka mit leh lu natna bikah chuan Doctor chuan Computer Vision Syndrome anih hi minlo tih saka. Ka kawng na te, ka nghawng na te ah chuan Spondylosis te Osteophytes te min lo tih sak ta zela. Chutiang zelin a dang dang pawh medical term hming mak pui pui an sawi ta zela…

Chutianga ka awm lai chuan tumkhat chu tihian ka ngaihtuah ta a… “COMPUTER VIRUS HI KA KHAWLAH CHAUH NILOVIN KEIMAH PAWH HIAN KALO KAI RENG ANIH HI MAW LE!!”, tih hi!!

Thiante u, nangni eng virus rus nge in kai ve le? Kei anga virus kai ve lo turin fimkhur turin ka han chah ve duh che u a ni e.
Share
Chhiarzawm rawh

postheadericon SMS Delete palh hmuh kir leh dan (Nokia s60 hmang ho tan)


Tihpalh liau liau avanga sms pawimawh tak kan lo delete palh anih chuan a hnuaia step tawi te hmang hian a zawnchhuah leh theih e:

1. I handset ah khan File Explorer engpawh (eg. Fexplorer) install rawh. 
2. File explorer hmangin i handset-ah Message save nan a i drive hman ( Phone Memory or Memory Card) kha Open rawh.

3. “C” drive emaw anih chuan, “C” drive chu hawng la, “System” tih folder i hmu anga, chu chu hawng rawh.

4. System folder chhungah “Mail” tih folderr i hmu leh anga, chu chu hawng leh rawh.

5. Mail folder chhungah hian sub-folder chi hrang² :- 0010001_s tih vel te leh file chi hrang²:- 00100000 tih i hmu ang. Heng ho hi sms ho kha an ni a.

6. Heng file leh folder ho hi Fexplorer hmang khan hawng hlawm la, i sms delete tak kha khawi ber nge anih tih i zawn a ngai ang.

7. Heng File ho hi open dan pangngaia open mai chuan “format not supported” tih te emaw a rawn inziak thina chuvangin, hetiang hian hawng ang che.

* Fexplorer hmang khan i file en duh kha select la, Option-ah lut la tichuan File-ah lut leh la
* hex/text viewer tih kha select keuh rawh.
* hex/text viewer hmang hian kha file kha i open anga, i sms pawimawh tak i delete palh tak kha i chhiar leh thei ang…
—————————————
** Hei hi manual taka sms recover leh dan ania. Tunlaiah phei chuan simcard recovery software te poh a awm tawh a, sim card reader neih chuan heng 3rd Party software hmang te pawh hian a recover theih awm e.
Share
Chhiarzawm rawh

postheadericon WaveSecure – Complete Mobile Security


WaveSecure hi kan hre hlawm tawh mai thei a, a hre lo te kan lo la awm mial tak in ka rawn share che u ani e. Mobile Application Software a ni a, handset thenkhatah chuan an rawn dah sa nghal a, an dah sa lem loh pawhin i handset atangin emaw i computer atangin emaw i phone model mil tur a download theih tho a ni. He WaveSecure hi Mobile Operating System hrang hrang mil turin an siam a, chung te chu – Android, BlackBerry, Symbian OS leh Windows Phone te an ni. I phone nen a inmil leh mil loh i hriat duh chuan www.wavesecure.com ah lut keuh mai rawh.

WaveSecure chu Mobile (handset) Secuity System changkang tak leh tha tak, rintlak tak a ni a. I phone-a data pawimawh (contacts, messages, call logs, photos leh videos) i neih zawng zawngte a venhim theih bakah Internet-ah a backup sak thei bawk che a.I phone atangin i data pawimawh ho kha lo ti bo palh pawh ni la, awlsam takin WaveSecure hian a restore sak leh thei che ani. He WaveSecure website atang pawh hian i duh hun hunah i computer hmang pawhin i data i backup in i restore thei bawk a ni.

I phone i lo tibo palh emaw mi in an lo ru emaw anih pawhin i computer hmangin an website-ah i login anga, i handset bo kha midangin an hman theih miah loh turin i LOCK hmak thei bawk a ni. Misualin i phone tihbo ah khan eng SimCard pawh lo thun mahsela, an SimCard thun mek number kha awlsam takin a Trace (chhui chhuah) theih a ni. Hei hian phone ruk bo leh tihbo palh chungchangah pawh hmuhkir leh theih na chance tha tak a siam bawk ani.

Vanduaina engemaw vanga i phone tihbo chu i hmu kir leh thei tawh lo anih pawhin i phone-a thil pawimawh i save zawng zawng kha Internet kaltlangin WaveSecure hmang hian ila delete thei cheu bawk ani.

Nokia N86 8MP ka hmanga, hetah hian a full version an rawn dah nghal a, an website atanga i download chuan Trial Version a awm ang. Zawng peih tan chuan crack sa pawh hmuh tur a tam mai.

I phone-ah khan lo install ve chhin teh, ka thian…
Share
Chhiarzawm rawh

postheadericon Sleep Apnea – (Sleeping Disorder)


Sleep Apnea chu kan muthilh laia kan thaw (breathe) vawi khat aia tam tawp (pause) awm thin hi a ni. He thaw tawp (pause) awm thin hi second reilo te atanga minute engemaw zat te a awm thei a. Vawi 5 atanga vawi 30 te emaw darkar hial thlengin a awm thei bawk. Chutianga thaw a buai hnu chuan pangngai takin an thaw leh a, tin, ring takin an hnâr thin bawk. Sleep Apnea hian hming dang pahnih a nei a, chungte chu – Sleep-disordered breathing leh Cheyne-Strokes breathing te an ni.

Sleep apnea hi kar tin zan thum aia tam mut tibuai fo thin a ni a. Hei hian zan mut that loh a siam a chhun lamah mi a ti nguai a mut a chhuak em em thin a ni.Sleep apnea hi natna hriatchhuah loh/hmuhchhuah loh a ni fo a. Sleep apnea kan neih leh neih loh hi Blood Test atanga hriat theih mai anih loh avangin Doctor-te kan va rawn pawh hian an ni pawhin an hre thei mai lo thin.

Sleep apnea kan neih leh neih loh hi mahnia inhriat har tak a ni. A chhan chu muthilh lai chauhva thil thleng a nih vang a ni. Kan chenpui kan chhungte emaw kan nupui/pasal te hian an hre hmasa thei ber ang. He sleep apnea hi a bik takin rit lutuk (overweight) ho ah a awm tlangpuia, mahse naupang atanga puitling thlengin an nei thei vek tho a ni.

Sleep apnea hi chi hnih a awm a, chungte chu Central Sleep Apnea leh Obstructive Sleep Apnea te an ni. Central Sleep Apnea hi chuan kan thawkna (breathing) lo control tu kan thluak a mi in signal tha tawk tak breathing muscles-ah a pek loh vang a ni.

Sleep apnea kan neih leh neih loh hriatchhuah vat anih loh va, enkawl lova kan awm reng chuan heng te hi kan tawk thei:

1. B.P. sang, heart attack, stroke, obesity leh diabetes.
2. Heart failure a siam thei
3. Lungphu (heartbeat) mumal lo a thlen thei
4. Hnathawh lai emaw motor khalh lai emaw ah nikhaw hrelovin a awm theih.

Sleep Apnea chu engvanga lo awm nge?

Kan muthilh loh (harh) lai chuan kan hrawk a muscles te hi khawng tha takin an awm a chu chuan kan thawkna dawt tha takin a hawnga, tha takin kan thaw thei thin a. Kan muthilh lai erawh chuan chu kan hrawk muscles te chu an lo chawl ve a, hei hian thawk na dawt a hnawh ve fo thei ani.

Obstructive Sleep Apnea nei kan nih chuan kan muthilh lain kan thawkna dawt chu kan hrawk leh kan lei (tongue) a chawlh ve thin avangin a hnawh thei thin. Tin, kan overweight chuan kan thawkna dawt chu a ti zim (narrow) thei bawk. Heng avanga kan chuap in boruak tha tawk a dawn loh chuan ring tak takin kan hnâr a, kan thisena oxygen level pawh nasa takin a tla hniam thei a ni. Chu kan thisena oxygen level alo tlakhniam viau chuan B.P. sang, heart attack, stroke leh lungphu mumal lo te a thleng thei thin a ni.

Sleep Apnea hi hmeichhia ah ai mahin mipa ah a tam zawk a. Kan upat chhoh telh telh hian he natna veina chance hi a tam telh telh a ni. Hmeichhia ah chuan a bik takin thi hul (menopause) hnuah an nei tlangpui thei a ni. Tin, naupangah chuan an tonsil a lian (enlarged) in a awm thei bawk.

Signs and Symptoms

He natna nei hriat awlsam dan ber chu hun rei tawh tak atanga ring tak taka hnâr thin te an ni. An hnâr lai in tawp (pause) a awm thin a, boruak hip har ti takin an awm thin a ni. Zangthala an mut hian an hnâr ring lehzual a, a sir zawnga mut in a ring nep deuh bawk thin. Mahse, hnâr nazawng hian sleep apnea an nei tihna erawh a ni kher lo.

He natna in kaihhnawih dang a neih te chu zing thawh hlima lu na te, thil ding taka ngaihtuah theih loh na te, hriatreng theih loh na te, lungngai (ngui) na te, mood swing te, zana zunchhuak sek te, zing thawh hlima hrawk ro/thip te an ni bawk a ni.
Engtinnge Sleep apnea chu an diagnosed?

Kan muthilh lai in Polysomnogram (poly-SOM-no-gram) PSG an tih mai hmang hian an en thin a. Hei hian kan thluak hnathawh dan te, kan mit (eye) chet dan te, kan muscles hrang hrang che vel te, kan thawk (breathing) dan te, kan heart rate te, kan chuap ah boruak eng anga tam nge lut a chhuak thin tih te, kan thisena oxygen level te a monitor-a, a record thin a ani. PSG test hi a hlauhawm lova, kan lu vun ah te, kan hmai ah te, kan awm (chest) ah te, kan kutke leh kutzungtang ah te khawl hi an vuah fur a, tichuan kan muthilh hlanin khawl hian a tih tur a lo ti mai a ni.

Sleep Apnea Treatment
A enkawl dan chi hrang hrang a awma chungte chu:
Lifestyle changes – Zu (Alcohol) in loh, weight tih hniam, damdawi min ti mutchhuak chi ei loh, zangthala mu lovin a sir zawnga mut.

Mouthpieces –
Dentist emaw Orthodontist ten ka (mouth) chhunga vuah tur an siam vuah.

Breathing devices – Continuous Positive Airway Pressure (CPAP)
khawl hman. He khawl hi a hmawr ah mask a awma chu chu mut dawna vuah mai tur ani a. Hei hian boruak kan hip luh leh kan thawk chhuah tha takin a control a ni.

Surgery – Mi thenkhat erawh chu an thawkna dawt (breathing passages) tih zau (widening) a ngai thin a, zai an ngai ve fo thin bawk.

Sleep Apnea enkawl nan hian tun thlengin dawmdawi a la awm rih lo a ni.
Share
Chhiarzawm rawh
Thursday, May 27, 2010

postheadericon Pendrive atanga WindowsXP Install dan


1GB emaw 2GB emaw pendrive i neih chuan a tawk fu… I khawlah usb port ah vuah sa rawh.

1. A hmasa berin he link atang hian flash-drive-prep.zip hi download phawt rawh . 503.10KB lek a ni e. http://geniushackers.com/blog/wp-content/uploads/2009/06/flash-drive-prep.zip

(He zip file-ah hian folder pahnih a awma, chungte chu: Bootsec leh USB_prep8 te an ni) 

2. flash-drive-prep.zip kha i download zawhah C Drive ah extract la chuan USB_prep8 folder-ah lut la usb_prep8.cmd tih alo awm anga, hei hi double click(open) rawh. I open hnuah Windows console window pakhat a rawn inhawng ang.

3. Press any key to continue tih alo lang anga eng key pawh i keyboard atang khan hmet keuh rawh. Tichuan PeToUSB window a rawn in hawng ang.

4. PeToUSB window rawn inhawng ah khan i pendrive kha a in select em tih finfiah la, a in select sa loh chuan select rawh.

5. I pendrive i format hma in Enable Disk format tih leh Quick Format leh Enable LBA (FAT16X) tih kha tick (select) la, a hnuaia Start button kha click rawh, tichuan i pendrive chu a in format ang.

6. I format zawh hunah OK click la, mahse PeToUSB window leh Windows Console inhawng sa erawh kha chu close rih suh ang che.

7. Start menu ah lut la RUN click la cmd tih chhu la OK hmet rawh.

8. Bootsect folder ah command prompt lo lang atang khan directory tihian thlak rawh le. C:\>cd flash drive prep\bootsect chuan ENTER hmet rawh.

9. Bootsect folder-a i luh hnuah, he command hi chhu leh rawh. bootsect.exe /nt52 g: chuan ENTER hmet keuh rawh. (g: aiah hian i pendrive awmna drive letter kha chhu ang che.)

10. Step 9 hi hlawhtling taka i tih zawh chuan bootcode was updated tih rawn inziak i hmu ang, chuan he command window bik chauh hi close ang che.

11. PeToUSb Window kha close rawh le, mahse window dang la inhawng ho kha chu close rih suh.

12. PeToUSB window i close khan command prompt ah khan option 8(pariat) thlan tur rawn inziak i hmu ang.

13. Option 1 na thlang la chuan Windows XP setup i dah na folder kha browse rawh.

14. Option 2 na chu khawih chet a ngai lem lo.

15. Option 3 na select leh la chuan i pendrive awm na drive letter kha chhu rawh.

16. Option 4 na select leh la chuan zawhna a rawn zawh apiang che kha yes zel rawh.
Option 4 na i thlan hnu hian minute 15-20 vel chu i pendrive ah windows xp installation file a in copy chhung i nghah a ngai ang.

Tichuan Option 4 na i zawh hnuah chuan i pendrive atangin Windows XP i install (setup) thei tawh ang. Engkim kha close vek theih tawh e.

I khawl restart la, 1st boot device ah i pendrive kha thlang la Windows XP installation chu i chhunzawm thei tawh ang.

Pendrive atanga i boot hnuah a hnuai a mi ang khuan Option pahnih a rawn awm anga, Option 2 zawk na khu i thlang dawn nia.

1. GUI Mode Setup Windows XP. Continue setup, Start XP
2. TXT Mode setup Windows XP, Never unplug USB-Drive until after logon.


Option 2 zawk i thlan hnuah windows installation chu a kal tan anga, setup files 100% thleng i khawlah a in copy hnuah i khawl a in restart anga. Hetah tak hian i pendrive ah khan boot leh la a chunga Option 1 zawk khi i thlang thung tawh dawn nia. Tichuan windows XP installation chu minute 10-15 inkar velah a zo tawh ang.
Share
Chhiarzawm rawh

postheadericon USB Flash Drive/ Pen Drive atanga Windows7 install dan


Thil thar leh ka hmuhchhuah pawh ani lem lo. Website tamtakah a tutorial hmuh tur a awm. Awlsawm zawka kan tih ve theih zawk beisei in Mizo tawngin ka rawn translate ve mai mai a ni e.

Ka ti chin tawh a, ka hlawhtling bawka, nuam ve duh mai mai khawp mai. Tunlai Netbook ilo vel, DVD Drive awmlo hovah hian a hman tlak khawp mai.
I mamawh te chu:
1. USB Bootable Pen Drive (4 GB)
(** Kingston, JetFlash Transcend leh Sandisk te hi bootable an ni.)
2. Windows 7 ISO (32 bit or 64 bit)
3. MBRwiz: hei hi heta link ka dah atang hian a download theih. http://mbrwizard.com/download2.php?f=MBRWiz2.0.zip  

Bul i tan ang le…

1. I PenDrive kha i computer-ah vuah la, My Computer-ah lut la, I pen drive awmna drive kha Right Click la format rawh le.
2. Start Menu click la Run click leh la cmd tih hi chhu la OK hmet rawh.
3. Tichuan DOS Prompt lo lang ah khan a hnuaia command ang hian chhu ang che.
convert i: /fs:ntfs (i: hi chu I pendrive awmna drive letter hming kha a ni mai.) 
 
4. I Windows7 DVD kha image format in I neih chuan Daemon tools emaw UltraISO emaw Alcohol120% in virtual drive ah khan MOUNT rawh le.
5. Start Menu ah lut leh la, RUN ah khan cmd chhu la OK leh rawh.
MBRWiz I download tawh kha C Drive ah emaw extract la DOS Prompt atangin MBRWiz I extract na directory ah thlak (change) rawh. Tichuan hei hi type ang che…
mbrwiz /list 
(i USB Pen drive awmna drive number kha a lo lang atang khan cxhhinchhiah ang che.)
chuan…. Hei hi chhu leh keuh rawh:-

mbrwiz /disk=X /active=1
(X ai ah i USB Drive awmna drive letter hmang ang che)

exit
6. Command window dang hawng leh la, tihian chhu le hang che.
J: (Windows7 image file I mount na drive kha chhu rawh chuan ENTER hmet keuh rawh.)
Chuan a hnuaia command hi chhu leh keuh la enter hmet leh rawh.
CD boot
Chuan a hnuai a mi hi chhu leh rawh

bootsect /nt60 Y: (Y ai ah I Pendrive awmna drive letter kha I chhu dawn nia)
7. Windows7 i mount na drive kha hawng (open) la file(s) awm zawng zawng kha I PenDrive ah copy vek rawh le.
8. I copy zawh vek hnuah I computer kha restart la, 1st boot device ah I Pendrive kha select la, ENTER hmet leh keuh rawh.
…tichuan Windows7 chu PenDrive atangin I install (setup) hem hem tawh mai ang.
 
GOOD LUCK.
Share
Chhiarzawm rawh
Monday, May 24, 2010

postheadericon NOKIA handset chungchang tlem azawng…


In hriat tawh hnu pawh a ni mai thei. A la hre ve lo te pawh in awm tho mai thei bawk. Chuvangin, Nokia phone- Symbian OS hmang ho tan hriat ve mai mai tur ka rawn chhawpchhuak ve rawih mai a ni e…
NOKIA Chungchang tlem azawng…1) Ringtone “Nokia tune” hi 19th century a mi Musician lar tak Francisco Tarrega, Spanish pa in Guitar hmanga a siam a ni. A hla hming atan “Gran Vals” tih ani bawk. He nokia tune hi a tir ah chuan “Grande Valse” tih a ni a, mahse, 1998 chho velah khan “Nokia Tune” tiin a hming hi an thlak leh a ni.

2) Khawvela GSM call hmasa ber call tu chu kum 1991 ah Helsinki-a Nokia-supplied network kal tlangin Finland Prime Minister Harri Holkeri in a hmang.

3) “Special” tone, Nokia phone-a awm thin SMS (text messages) kan dawn huna lo ri thin hi a nih na takah chuan SMS Morse code ania. Tin, “Ascending” SMS tone pawh hi Morse code tho ania, “Connecting People,” Nokia ho slogan kha a ni. Tin, “Standard” SMS tone hi Morse code “M” (Message) a ni bawk.

4) Nokia phone-a font (typeface) hi AgfaMonotype – Nokia Sans font a ni a, Eric Spiekermann-a design a ni.

5) Asia ram ah hian digit 4 hi Nokia handset model number-ah an hmang ngai miah lo. A chhan chu Southeast/East Asia-ah chuan 4 hi unlucky number anih an rin vang a ni.

6) Nokia hi mi thenkhat Nokia phone hmang ve lo te hian “aikon” (Nokia backwards) tiin a hming hi an phuah danglam fo thin. A chhan chu “aikon” hi SDK software package thenkhatah an hman thin vang a ni.

7) Nokia tih khaw hming hi an rama lui luang pakhat hming chawia phuah a ni a. Chu lui hming chu “Nokianvirta” tih a ni nghe nghe a ni.
—————————————
I Cell Phone kha Original a ni em?
Original a nih leh nih loh i hriat duh chuan a hnuai a mi ang hian ti chin rawh:

*#06# chhu rawh le.
I chhut zawh veleh IMEI number (15 digits) i hmu ang. entirnan: 43 4 5 6 6 1 0 6 7 8 9 4 3 5

Digit pasarih na leh pariat na kha 02 emaw 20 anih chuan Emirates-ah an assemble tih na ania. I cell pone chu a chhe hle tih na a ni.

Digit pasarih na leh pariat na kha 08 emaw 80 emaw a nih chuan Germany-a siam ani tih na ania, i cell phone chu a tha thawkhat e.

Digit pasarih na leh pariat na kha 01 emaw 10 emaw a nih chuan Finland-a siam tih na ania. I cell phone chu a tha viau e.

Digit pasarih na leh pariat na kha 00 anih chuan France-a siam tih na ania, I cellphone chu tha tak ani.
————————————
Memory Card Password theihnghilh tawh Recover leh dan:

Kan cell phone-a Memory Card password kan siam thin hi a password kan theihnghilh chang a awm ve fo mai. Chutianga Memory Card Password kan lo theihnghilh palh anih chuan kan thil pawimawh dah te kan hmu kir leh thei tawh lo thina a buaithlak thin hle a ni.

Nokia phone hi ka hman ber anih avangin Memory Card password theihnghilh tawh recover leh dan ka’n thai lang ve mai mai ange…

Nokia s60 1st, 2nd leh 3rd edition phone ah:-
1. A hmasa ber ah chuan FExplorer hi iphone memory ah install rawh..

2. C Drive- ah lut la chuan System folder ah lut leh la chutah chuan file pakhat “mmcstore” tih i hmu ang.

3. He “mmcstore” file hi copy la, i computer-ah dah la NOTEPAD in hawng rawh.

4. He file hi i hawn hnuah scroll thla la, a hnuai berah i password inziak chu i hmu mai ang.
—————————————–

Format S60 Symbain Phone

Engemaw chang chuan kan handset hi han khawih hian a muang em em mai thin a. Thil hawn kan han tum te pawh hian a inhawng hlei thei thin lo. Chutianga a lo awm chuan FORMAT a ngai fo thin. Kan format hnu ah erawh chuan kan lei tirh a mi ang khan a tha ve leh mai thin bawk.

Format dan chi hrang hrang a awm ve a, chung te chu:

1. SOFT RESET:
Hei hian kan phone settings zawng zawng kha Phone siamtuten an siam laia settings an dah ang chiah chiah khan a awm tir leh a ni. Applications awm sa leh kan thun chawp ho erawh a ti bo chuang lo.

A tih dan tur chu a hmasa berin i phone-a contact leh thil dang dang pawimawh i neih ho kha back up vek phawt rawh.

I backup zawh hnu ah *#7780# hi chhu keuh la i phone settings i restore duh em? tiin zawhna a rawn zawt ang che nga ‘yes’ ilo ti anga tichuan i phone chu a in restart anga, Factory default settings- ah alo awm leh ang. (Security code a rawn dil che chuan 12345 tih chhut mai tur).

2. HARD RESETTING:
Hard-reset hi chu memory disk format ang ani a. Phone memory kha a format vek a, chuvangin phone memeory-a thil awm zawng zawng (default application tih loh) kha a bo vek dawn a ni.

A tih dan chu-
*#7370# hi chhu la tichuan security code a rawn dil ang che nga 12345 tih i chhu anga tichuan OK i hmet ang.

HRIAT TUR:

I phone i format dawn reng reng in thil pawimawh zawng zawng backup vek phawt rawh. Tin, i phone battery kha a full ngei ngei tur ani. A full loh chuan charger vuah la charge pahin format thin rawh. A chhan chu i format laklawh lai in battery a quit palh chuan i phone kha a chhe thei a ni.

3. FLASHING:
Full format dan dang leh-

Pakhat na leh pahnih na khi i hlawhchham anih chauhvin pathumna hi tih tur.
A tih dan tur chu-

1. I phone OFF rawh.
2. I phone ON leh la, i On rual khan heng key pathum hi a rualin hmet rawh:
-Green dial key leh Star key (*) leh Three key (3)

3. FORMATTING tih rawn inziak i hmuh hma chu heng key pathum i hmeh te hi thlah miah suh ang che.

4. FORMATTING tih rawn inziak i hmuh hunah key pathum i hmeh mek ho kha thlah tawh la tichuan 100% thleng a in format ang. A in format zawhah amahin a in restart anga Factory default settings angin i phone chu a awm leh tawh ang.

Ka lawm e…
Share
Chhiarzawm rawh

Sam 66:18

"Ka thinlunga sualna ka ngaihsak chuan Lalpan mi ngaithla lovang:."

Zawnawlna...

Page visited since May 29,2001

back to top